طال الوقت ليلا بدون ظهور أي بوادر لتجهيز العشاء , نظرت لزوجتي فإذا هي تتابع مسلسل " حريم السلطان" باهتمام و كأنها تحفظ جميع أساليب النساء بهذا المسلسل , تنحنحت و قلت لها : مش هنتعشي ؟
ردت علي بدون أن ترفع عينها من التلفاز: هات عيش فينو عشان مفيش عيش علي بال ما أحضر العشا
و طبعا الوقت متأخر و مش هينفع أجيب أي نوع تاني من العيش الرخيص اللي بيشبع و لو سألت ليه مقولتوش من بدري مش هخلص ع العموم نزلت و خلاص
رجعت و معايا العيش الفينو سخن و طازة و عصافير بطني تتمني طعمية بيتي أو فول مدمس سخن أو اي حاجة تانية معمولة في البيت , لقيت الأكل عبارة عن بيض مسلوق , جبنة نستو , شرائح جبنة رومي في السلوفانة , زيتون في العلبة البلاستيك , لانشون في السلوفانة , طماطماية بحالتها , جبنة بيضا في العلبة البلاستيك , حلاوة طحينية في علبتها البلاستيك, قلت لها و في حلقي غصة من كل شئ : مش هتيجي تاكلي معايا ؟ قالتلي و هي بصالي المرة دي (عشان كان فيه إعلان)لأ .. كل انتا و أنا همص حتة جبنة نستو عشان عامله ريجيم .. تحب أعملك حاجة تانية ؟
قلت لها : شكرا .. و بدأت أتناول العشاء
هو أنا يعني مكنتش أعرف أجيب العيش الفينو و اتعشي عند البقال ؟ و الله طبيخك اتقدم يا حورية
ليست هناك تعليقات:
إرسال تعليق